تقرير عن رحلتي الى سفاري دبي

قبل جم يوم سافرت الى دبي وقررت اجرب سفاري دبي وتوقعت الرحلة بتكون عادية بس بالعكس الرحلة كانت ممتعة وحلوة ، اول شي حجزنا سفاري وقالو لنا اليوم الثاني بياخذونا من الفندق بسيارة السفاري ، خذونا بالسيارة من دبي الى منطقة الهباب تقريبا المسافة بينهم 40 دقيقة ، اول شي خذونا حق استراحة فيها تأجير بقيات ومطعم وبقالة 


ولقينا واحد يبيع رمل ملون يحطه بالبطل ويرسم بالرمل 

بعد استراحة نص ساعه تقريبا جهزو السيارة لرحلة السفاري ودخلونا بصحراء منطقة الهباب وبدت رحلة السفاري 


واستمرت الرحلة 50 دقيقة تقريبا بعدها خذونا لقرية صغيرة بوسط الصحراء وكان فيه استراحة وبوفيه عشاء وحلويات وشيشة وكانو يسون اللقيمات فريش جدامك وعرضو علينا بعض الفقرات الاستعراضية بمسرح القرية 


الرحلة بدت الساعه 4 وانتهت الساعه 11 ، الي يسافر دبي انصحه انه يجرب رحلة السفاري ، الرحلة شاملة التوصيل من والى الفندق ودخول القرية والبوفيه والشيشة تقريبا ب 12 دينار وكان الجو غير عن دبي كان الهوا حلو ورطوبة حيل خفيفه ، وان شاء الله تستفيدون من التقرير

Follow @KORBLOG

حمّل تطبيق مدونة KORBLOG على الأجهزة الذكية
iPhone
KORBLOG - Khaled Nasser
iPad
KORBLOG - Khaled Nasser
%d مدونون معجبون بهذه: