تقريري عن لعبه The Last Of Us




اليوم كتبت لكم تقريري عن لعبه The Last Of Us اللي نزلت رسمي بتاريخ 16يونيو 2013 واللعبه عباره عن لعبه سرفايفل و غموض واثاره و بالنسبه للي يقول رعب انا اعتبرها رعب بحاله وحده اذا انتو ضبطتوا الجو لها يعني تعلي الصوت وتحط سماعات و الشغله المهمه في اوبشن اللي يخليكم تشوفون الوحوش او العدوا وين موجود و تلاقونه بزر R2 هذا حق اللي يبي يعيش جو الرعب .



من خلال لعبي حسيت انه اللعبه عباره عن دمج بين لعبتين شهيرتين Uncharted و Farcry 3 و اللعبتين من احلى الالعاب اللي مرو علي عال PS3 حيث تجمع اللعبه خاصيه التعايش او اللي يسمونها السرفايل وتعتمد على اكتساب المهارات اثناء اللعب و البحث عن المواد او الاسلحه حيث انه توفرها سيكون صعب بالنسبه للي يلعب بمستوى صعوبه عالي .



و بذكر لكم ملاحظاتي للعبه و تقييمي الشخصي لها 

بالنسبه للمميزات :
الجرافيك ممتاز بالنسبه للعبه مساحه عالمها كبيره واللي لعبها اكيد لاحظ انه الجرافيك للعبه Uncharted اقوى من Last of Us لانه المساحه للمناطق في اللعبتين تختلف فكل ما كبرت المساحه كل ما قل الجرافيك و ايضا من المميزات هو واقعيه اللعبه وقصتها يعني مافيها خيال وايد و في اللعبه العديد من التنويع من خلال الشخصيات واسلوب اللعب .



بالنسبه لعيوب اللعبه من الشغلات اللي ازعجتني اثناء اللعب اهي الشخصيات الجانبيه تعيق الحركه وخاصه اذا كنا نتحرك كمجموعه مثلا ابي ادخل غرفه معينه الاقي واحد من الشخصيات اللي معاي واقف جدامي و ما اقدر ادخل طبعا هذا عيب ممكن ان يتم التعديل عليه بالتحديثات القادمه للعبه و بالنسبه لي هذا هو العيب الوحيد اللي شفته باللعبه .


تقييمي للعبه هو 9.5 / 10 


Follow @KORBLOG

حمّل تطبيق مدونة KORBLOG على الأجهزة الذكية
iPhone
KORBLOG - Khaled Nasser
iPad
KORBLOG - Khaled Nasser

Add Comment

Click here to post a comment

اترك رد

%d مدونون معجبون بهذه: