مدونة ملك الرمانسية : زيارتي لDip n Dip وتجربتي الاولى لهم.


أمس بعد الshopping بالأفنيوز أنا وأختي قررنا نروح Dip n Dip الي موجود فوق صوب مكتبة “ذات السلاسل” كثر ما اختي حنت بوديك بوديك ليمن كنت بامريكا .. المهم رحنا كان شوي زحمة وقررنا نقعد داخل لانه في بنات خذوا الطاولة الي كنا نبيها ! 
المهم .. الاستقبال كان عادي وبعد ما عطونا المينيو قعدنا حوالي ١٠ دقايق ننطرهم ياخذون الطلب وبعد جم خزه وجم مرة ناديناهم يالله عطونا ويه … وطلبنا .
واحد من الأشياء الي حبيتها بالمينيو هالخريطة . اذا مو عارفين شنو تطلبون .. بس غمضوا عيونكم واختارو من هالخريطة …. وأيضا شكل المينيو وايد وحلو يشوّق .

طلبي كان Brownie و Earl Grey Tea كنت مشتهي برواني لكن اختي ما انصحتني فيه قالت جرب الوافل لكن ما سمعت كلامها وطلبت براوني. 
أما أختي فطلبت Dip n Dip Waffle مع بيبسي “المشروب المقدس” عند اختي. 

وصل طلبي انا قبل اختي وجربت البراوني مالتهم …. حلوة لكنها مو أفضل براوني ذكتها . دافية وخفيفة وغنية بالكاكو أما البرّد فحدث ولا حرج … البرّد عباره عن شي ابيض بارد يذوب بسرعة وطعمه “محلبيّة” !! هههههه هذا اقرب وصف حق الشي الي كليته. 
اما اختي فالوافل كان شكله وايد حلو ويشوّق …. اختي “اشوه” انه ما خلصته وشبعت فكملته عنها … عجييييييب وصج Dip n dip مشهور بكاكاوه اللذيذ وفعلا لا تطلبون شي ما فيه كاكاو نفس الباورني مالتي كانت ناشفه . 
وطبعا يابولنا الفاتوره غلط “ناقصة” وبعدها عدلوها . دفعنا وطلعنا … 
التجربة كانت حلوة – سريعة – بس للأسف خدمتهم اعطيها 5/10 وقاعد اجاملهم بعد .

Follow @KORBLOG

Add Comment

Click here to post a comment

اترك رد

%d مدونون معجبون بهذه: