HaPpy Birthday to ME !

اليوم يصادف عيد ميلادي ال١٩ … كل عام وانا بخير وعسى ايامي كلها افراح 


حبيت اقولكم شنو صار ليلة ويوم عيد ميلادي ….. اول شي اهلي وناسي بالكويت احتفلوا بعيد ميلادي قبلي انا تدرون فرق التوقيت …. واول شخص فاجأني اهو أنس …. دق علي وقعد يغنيلي هابي بيرث دي  … وبلشوا الناس يهنون وانا شاكر لكل شخص قالي كل عام وانت بخير ….. وطبعا انا بس قاعد وابجي …. تدرون اول مره احتفل بعيد ميلادي وانا مو بديرتي  الحبيبه … وبين اهلي وناسي … وبعدها نمت !!لانه كان عندي امتحان ومالي خلق ادرس فقلت انام وبعدين اقوم .. وسبحان الله قمت من النوم ولا الساعة ١١ ونص يعني باقي نص ساعة واصير رسميا ١٩ !!؟ ولا منو يفاجأني أنوس …. دازلي نوته صوتيه مغني … شفتي صديق مقرب يسوي جذي حق صديقه !!؟ تخيلو قعد من النوم بس عشان يقولي كل عام وانت بخير 

وبعدين الوالده كلمتني وفاجأتني باتصالها اعتبرها احلى هدية كافي اني سمعت صوت امي وكافي اني سمعت صوت خواتي 
وحبيت اشكر امي وخالتي وكل شخص غير ستاتس الواتساب وحط شي عني ….. وناسة

 وبلشو الناس مره ثانية يحتفلون وخاصة ربعي في امريكا وانا اقول شفيهم متخفيين اثاريهم ناطرين توقيت امريكا خخخخ عالعموم سمعوا شسويت 

اول ما صارت الساعة ١٢ قريت آيه الكرسي عشان ربي يحفظني …. وسويت اشياء انا اسويها كل سنه

١- اسمع اليسا مدة ساعة كامله وطبعا لازم اول اغنية كرمالك …. الكل يدري انها اغنيتي المفضله للابد
٢- قعدت اكل كوكيز شوكليت شيب والكل يدري انها الحلو المفضل عندي 
٣- قعدت اطالع مسلسل فريندز والكل يدري اني اعشق هالمسلسل 
٤- حطيت اغنية “غنوا لحبيبي” حق عبدالمجيد عبدالله وقعدت ابجي لانه قبل سنه بالضبط احتفلت مع ربعي بفرايديز وكانت هاذي الاغنية الي حاطينها لي  ( اضغط هنا لمشاهدة الموضوع ) و

 دقوا علي خواتي (بنات كليفلاند) وغنولي هابي بيرث دي طبعا انا حدي مستانس اشوف كل هالناس مستانسه عشاني … احب بس اقولكم شغله … ما راح احتفل بعيد ميلادي اليوم … اليوم راح اطلع مع الشباب ونقز شوي بس الاحتفال راح يكون بعديييين 

Add Comment

Click here to post a comment

اترك رد

%d مدونون معجبون بهذه: