احتفال طلبة كليفلاند بالعيد الوطني على طريقتهم ….

احنا (بعض طلبة كليفلاند الاوفياء) قررنا نحتفل بالعيد الوطني الكويتي على طريقتنا الخاصة .. بعيدا عن الشغب والحقد والحسد … وبعيدا عن الالعاب النارية الي ملينا واحنا نشوفها !! …… قررنا هالسنة نحتفل بطريقة غريبة شوي .. 


اساس الاحتفال بالعيد الوطني اهو لمة الكويتين مع بعض ودون مراعاة لاختلاف الاصل والفصل والمذهب وغيره …. تجمعنا احنا المذكورين ( آنا : خالد ناصر – اخوي العود : عبدالله اللوغاني –  اختي العوده : حفصة العود – اختي العودة : حوراء كرم – واختي الصغيره : مريم كرم) وقررنا نصمم تي شيرتات من صنع ايدنا نعبر فيها شكثر احنا نحب الكويت … وكل واحد فينا قرر يكتب ويصمم على مزاجه لكن في الوجه الامامي كلنا جمعنا شي واحد وهو … آنا احب الكويت …. وقررنا نلبس هالتيشيرتات ونمشي بجامعتنا …  جامعة كليفلاند ستيت وايضا في كل مكان نروحله بالمجمعات  والسينما وغيره ….  وطبعا كما كان متوقع .. لفتنا انظار الكل …. واستانسنا يوم يسألونا الناس شنو مكتوب او حق شنو لابسين …. 




هذا جزء من الاحتفال وطبعا طول الطريج الاغاني الوطنية كانت شغاله … والجزء الآخر قررنا نتغدى عيوش !! وكان اقرب مطعم . اناتوليا . مطعم تركي يذكرنا بالكويت … وبعدين قررنا نفصل شوي … وبلشنا نلعب بالثلج وكل واحد يحذف الثاني .. طبعا انا كبش الفدا !! مثل ما راح تشوفون بالصور تحت !! 

 Mitchell’s وبعدين قررنا نفصل وندخل محل 
والحلو فيه انه تقدر ترسم شي وتعلقه بالمحل … وشوفو شنو رسمنا !! وخلينا الكل يطالع 
وبعدين دخلنا فلم …. وطبعا فصلنا لانه السينما كانت فاضيه ….. 

هذا جونا … احتفال بسيط … لكن كافي لمة الكويتين الاصليين الي ما يعرفون الحقد والحسد … الكويتيين الي لمتهم تسوى الدنيا وما فيها … وكافي كلنا كنا مستمتعين بهالاجواء ….. 


ملاحظة عالسريع … باجي شباب كليفلاند بدون ذكر اسامي قرروا الاحتفال بالعيد الوطني عن طريق التسوق في بيتسبورغ بنسلفانيا !!؟ 

اتركم مع الصور …. 


كبش الفداااا 

بالسينما 
 

 – جميع حقوق الصور محفوظة لمدونة ملك الرومانسية ولا يسمح نشرها او العبث بها بنظر قانون قوقل لحماية حقوق الملكية الفكرية. 



Add Comment

Click here to post a comment

اترك رد

%d مدونون معجبون بهذه: